نیویارک: (رائیٹ ناوٴ نیوز) امریکی گلوکارہ ٹیلر سوئفٹ نے اپنے عالمی ٹور کے دوران حاصل ہونے والی آمدنی میں سے اپنے عملے کو 19 کروڑ 70 لاکھ ڈالر کا بونس دیا ہے۔

ٹیلر سوئفٹ نے اپنے 21 ممالک میں 149 کنسرٹس کے دوران 2 ارب ڈالر کمائے، جس کے بعد انہوں نے اپنے عملے کی خدمات کے اعتراف میں بونس دیا۔

گلوکارہ نے عملے کے ساتھ اظہار تشکر کا خط بھی دیا، جس سے ان کی ٹیم کے اراکین کی خوشی میں اضافہ ہوا۔

رپورٹس کے مطابق ٹیلر سوئفٹ نے ٹرک ڈرائیوروں کو بھی ایک لاکھ ڈالر کا بونس دیا۔

36 سالہ ٹیلر سوئفٹ کی اس فراخدلی نے ان کے مداحوں کو متاثر کیا اور ان کی ٹیم کے اراکین کی آنکھوں میں خوشی کے آنسو بھر دیے۔