چنیوٹ: (رائیٹ ناوٴ نیوز)  بانی پی ٹی آئی اور فیض حمید اپنے دور کے فرعون تھے۔پاکستان پیپلز پارٹی کے چیئرمین بلاول بھٹو زرداری نے کہا کہ بانی پی ٹی آئی طاقت کے نشے میں دھمکیاں دیتے تھے جبکہ فیض حمید نے اپنے عہدے کی خلاف ورزیاں کیں۔ انہوں نے کہا کہ تاریخ کا یہ فیصلہ اہم ہے اور امید ہے کہ اس سے آئندہ ایسی غلطیاں نہیں ہوں گی۔

بلاول بھٹو نے کہا کہ پی ٹی آئی نے سیاست میں بری روایات ڈالی ہیں اور سب کو توبہ کرنی چاہیے۔ انہوں نے کہا کہ پنجاب کا دورہ کامیاب رہا اور خیبرپختونخوا میں گورنر راج کے بارے میں باقاعدہ بات چیت نہیں ہوئی ہے۔

انہوں نے مزید کہا کہ میثاق جمہوریت میں آئینی عدالت کے وعدے کو 28ویں ترمیم کے ذریعے پورا کیا گیا ہے جو کہ پیپلز پارٹی کے منشور کی جیت ہے۔ بلاول نے وفاقی حکومت کی مشکلات کا ذمہ دار بیوروکریسی کو ٹھہرایا۔

بلاول بھٹو نے کہا کہ فیض حمید کے خلاف تحقیقات اور ٹرائل جاری ہے اور ان کی سزا یہ پیغام ہے کہ آئندہ ایسی غلطیاں نہ کی جائیں۔