پشاور: (رائیٹ ناوٴ نیوز) جمعیت علمائے اسلام کے سیکرٹری جنرل مولانا عبدالغفور حیدری نے کہا ہے کہ خیبر پختونخوا میں گورنر راج لگانا دانشمندانہ فیصلہ نہیں ہوگا۔ آئین اور قانون میں ترامیم قومی اور ملکی مفاد میں کی جاتی ہیں، جبکہ شخصی مفادات کو تحفظ دینا قوم کے لیے قابل قبول نہیں ہے۔

مولانا حیدری نے مزید کہا کہ پی ٹی آئی کی موجودہ قیادت میں یکسوئی نہیں ہے۔ ہم خیال دینی اور سیاسی جماعتوں سے رابطے میں ہیں اور پارلیمنٹ کے باہر مل کر تحریک چلانے پر غور کر رہے ہیں۔

انہوں نے کہا کہ مدارس کی رجسٹریشن کے مسائل بدستور موجود ہیں اور اسلامی نظریاتی کونسل کی سفارشات پر عملدرآمد نہیں ہو رہا۔ سود کے خاتمے پر قانون سازی تو ہوئی مگر عملی اقدام نہیں کیا گیا۔

مولانا عبدالغفور حیدری نے کہا کہ جمعیت علمائے اسلام مشاورت کے بعد حکومت مخالف تحریک کا اعلان کرے گی۔