اسلام آباد: (رائیٹ ناوٴ نیوز) وزیراعظم کے مشیر سینیٹر رانا ثنا اللہ نے کہا ہے کہ بانی پی ٹی آئی عمران خان کے خلاف غداری کے مقدمے کے امکان کو رد نہیں کیا جا سکتا۔ انہوں نے یہ بات ایک نجی ٹی وی چینل کے انٹرویو میں کہی۔

رانا ثنا اللہ نے واضح کیا کہ ڈی جی آئی ایس پی آر نے پریس کانفرنس میں بڑا دو ٹوک پیغام دیا ہے جسے پی ٹی آئی کے لیے سنجیدہ لینا ضروری ہے۔ انہوں نے مزید کہا کہ عمران خان کی اپنی بہن سے ملاقات کے بعد کئے گئے ٹوئٹ کے بعد یہ فیصلہ کیا گیا ہے کہ غداری کا مقدمہ ممکن ہے۔

رانا ثنا اللہ نے کہا کہ جلسوں میں کی گئی باتوں کا جواب انہیں بڑی قوتوں سے ملے گا اور ان کا انجام ایم کیو ایم کے بانی جیسا ہو سکتا ہے۔

رانا ثنا اللہ نے مزید کہا کہ پاکستان تحریک انصاف کی اکثریت اس صورتحال کا حصہ نہیں بنے گی اور عنقریب یہ پارٹی اڈیالہ جیل کی صورت حال کا سامنا کر سکتی ہے۔