لاہور: (رائیٹ ناوٴ نیوز) وفاقی وزیر اطلاعات عطا اللہ تارڑ نے کہا ہے کہ بھارت پاک فوج سے خوفزدہ ہے اور ان لوگوں کو شرم آنی چاہیے جو فوج کی مخالفت کرتے ہیں۔ انہوں نے کہا کہ ایک ذہنی مریض کے دور میں بھارت کے حملے پر وہ کہتا تھا کہ میں کیا کروں؟

لاہور میں ایک تقریب سے خطاب کرتے ہوئے عطا اللہ تارڑ نے کہا کہ مسلم لیگ ن کی قیادت عوام کی خدمت میں مصروف ہے اور ترقیاتی منصوبے مکمل کیے جا رہے ہیں۔ انہوں نے مزید کہا کہ نواز شریف نے ہمیشہ تعمیر و ترقی کی سیاست کی ہے اور خیبرپختونخوا کی حکومت نے کچھ نہیں کیا۔

وزیر اطلاعات نے کہا کہ پشاور میں ان کا جلسہ ناکام ہوا اور انہوں نے ملکی معیشت کو نقصان پہنچایا۔ انہوں نے مزید کہا کہ پاک فوج نے بھارت کو معرکہ حق میں شکست دی۔

دوسری جانب مسلم لیگ ن کی ترجمان مریم اورنگزیب نے کہا کہ شہباز شریف کے دور میں پاکستان کا وقار بلند ہوا اور عوام نے جھوٹے وعدے کرنے والوں کا انجام دیکھ لیا۔

مریم اورنگزیب نے مری میں جلسے سے خطاب کرتے ہوئے کہا کہ ن لیگ نے عوام سے کیے وعدے پورے کیے اور پنجاب میں صحت و تعلیم کے شعبے میں نمایاں اقدامات کیے۔ انہوں نے اعلان کیا کہ اگلا جلسہ کہوٹہ میں ہوگا۔