اسلام آباد: (رائیٹ ناوٴ نیوز) وفاقی وزیر اطلاعات عطا تارڑ نے کہا ہے کہ بانی پی ٹی آئی کو اب جیل ملاقات کی اجازت نہیں ہوگی اور جلسے جلوسوں کی بھی اجازت نہیں دی جائے گی۔ انہوں نے مزید کہا کہ ملک کی سالمیت کے لیے خطرہ بننے والے افراد کے خلاف سخت کارروائی کی جائے گی۔

عطا تارڑ نے بتایا کہ 9 مئی کو فوجی تنصیبات پر حملے کیے گئے جو ملک کے لیے نقصان دہ تھے۔ انہوں نے کہا کہ بانی پی ٹی آئی ملک کو ڈیفالٹ کروانے کی کوشش کر رہے ہیں اور آئی ایم ایف کو خطوط بھیجے گئے۔

لیفٹیننٹ جنرل احمد شریف چوہدری نے کہا کہ فوج کے خلاف عوام کو بھڑکانے کی اجازت نہیں دی جائے گی اور قانون کے مطابق قیدی کی ملاقات ہوگی۔

وفاقی وزیر نے کہا کہ جیل سپرنٹنڈنٹ کی رپورٹ کے مطابق ملاقات میں سیاسی گفتگو ہوئی اور جیل سے دشمن کے ایجنڈے کو آگے بڑھانے کی اجازت نہیں دی جائے گی۔

عطا تارڑ نے مزید کہا کہ خیبرپختونخوا میں گورنر راج کا آپشن موجود ہے اور پی ٹی آئی کے بیانیے کے خلاف مقدمات درج کیے جائیں گے۔ انہوں نے پی ٹی آئی پر پابندی کے بارے میں کہا کہ ان کے پاس نہ نشان ہے نہ جماعت۔