کراچی: (رائیٹ ناوٴ نیوز) جسمانی وزن میں اضافہ کسی کو پسند نہیں آتا، خاص طور پر جب پیٹ باہر نکلنے لگے۔ وزن کم کرنے کے لیے اکثر لوگ ڈائٹنگ یا ورزش کا سہارا لیتے ہیں، لیکن ایک ایسا طریقہ بھی ہے جو سردی میں کپکپی کے ذریعے وزن کم کرنے میں مددگار ثابت ہوتا ہے۔

ماہرین کے مطابق جب سردی کا موسم ہوتا ہے تو ہمارے جسم کو اندرونی درجہ حرارت برقرار رکھنے کے لیے زیادہ کیلریز جلانا پڑتی ہیں۔ جسم میں موجود بھوری چربی اس عمل میں معاون ہوتی ہے، جو توانائی فراہم کرتی اور میٹابولزم کو بہتر بناتی ہے۔

تحقیقات سے ظاہر ہوتا ہے کہ سردی کے دوران کپکپی بھوری چربی کو متحرک کرتی ہے، جس سے کیلریز جلتی ہیں اور جسم کی حرارت میں اضافہ ہوتا ہے۔ 2014 کی ایک تحقیق کے مطابق، کپکپی کے باعث ایک ہارمون Irisin متحرک ہوتا ہے جو چربی کو گھلانے میں معاون ثابت ہوتا ہے۔

ماہرین کا کہنا ہے کہ سرد موسم میں 15 منٹ کی کپکپی ایک گھنٹے کی ورزش کے برابر کیلریز جلاتی ہے، جو وزن کم کرنے کا ایک آسان اور غیر معمولی طریقہ ہے۔