کراچی: (رائیٹ ناوٴ نیوز) پاکستان کی آٹو موبائل انڈسٹری سے وابستہ معروف شخصیت سنیل منج نے انکشاف کیا ہے کہ ان کا نام بالی وڈ کے معروف اداکار سنیل دت سے متاثر ہوکر رکھا گیا۔

سنیل منج نے جیو پوڈ کاسٹ میں شرکت کی جہاں انہوں نے مختلف موضوعات پر گفتگو کی۔ انہوں نے بتایا کہ ان کا نام سنیل، ہندی زبان کا لفظ ہے جس کا مطلب سندر اور سشیل ہوتا ہے۔

ان کے مطابق یہ نام ان کی دادی نے رکھا اور اسے وہ بہت پسند کرتے ہیں۔ سنیل منج نے کہا کہ پاکستان میں ان کے نام کی وجہ سے اکثر مزاحیہ واقعات پیش آتے ہیں، لوگ انہیں ہندو سمجھ لیتے ہیں یا بھارت سے آیا ہوا خیال کرتے ہیں۔

انہوں نے مزید کہا کہ ان کا پورا نام سنیل سرفراز منج ہے، جس سے صحیح تشخیص ہوتی ہے۔