باغ: (رائیٹ ناوٴ نیوز) وزیراعظم شہباز شریف نے تقریب سے خطاب کرتے ہوئے کہا کہ امریکی کانگریس کی رپورٹ نے پاکستان کی فتح کی تصدیق کردی ہے، جو بھارت کو جنگ میں شکست کا سامنا کرنا پڑا۔

وزیراعظم نے آزادکشمیر کے شہر باغ میں کہا کہ مسلح افواج نے دشمن کو گھٹنوں کے بل گرنے پر مجبور کیا اور امریکی صدر بھی بھارتی طیارے گرائے جانے کا ذکر کرچکے ہیں۔

شہباز شریف نے مزید کہا کہ جادو ٹونے سے کام نہیں چلتا، ہم معاشی میدان میں محنت کر رہے ہیں اور امید ہے کہ ایک دن قرضوں سے نجات ملے گی۔

رپورٹ میں یوایس چائنا اکنامک اینڈ سیکیورٹی کمیشن نے اعتراف کیا کہ مئی میں ہونے والی پاک بھارت جنگ میں بھارت کو شکست ہوئی، جس میں چینی ہتھیاروں نے اہم کردار ادا کیا۔

پاکستان نے چینی ہتھیاروں کی مدد سے بھارتی رافیل طیارے مار گرائے، جس کے باعث انڈونیشیا نے رافیل طیاروں کی خریداری کا منصوبہ ترک کردیا۔

یہ تنازع مئی میں مقبوضہ کشمیر میں سیاحوں پر حملے کے بعد شروع ہوا اور چار روز تک جاری رہا، جس میں دونوں ممالک نے لڑاکا طیارے اور میزائل استعمال کیے۔