کراچی: (رائیٹ ناوٴ نیوز) میٹھا کھانا ہر شخص کی خواہش ہوتی ہے، لیکن عام چینی کا زیادہ استعمال وزن بڑھنے، خون میں شوگر کی سطح بگاڑنے اور دل کی بیماریوں کا خطرہ بڑھا دیتا ہے۔ ماہرین کے مطابق، آج کل کئی قدرتی اور غیر کیلوری والے میٹھی اشیا دستیاب ہیں جو چینی کے مقابلے میں زیادہ محفوظ اور صحت بخش سمجھی جاتی ہیں۔

یہاں کچھ ایسے چینی کے متبادل میٹھے اشیا کا جائزہ پیش کیا جا رہا ہے جو وزن، شوگر، دل اور آنتوں کی صحت کے لیے مفید ہیں۔

1. شہد: شہد صدیوں سے غذائی اور دوائی خصوصیات کی بنا پر استعمال ہوتا آ رہا ہے۔ اس میں موجود اینٹی آکسیڈنٹس اور وٹامنز سوزش کم کرنے اور قوت مدافعت بڑھانے میں مدد دیتے ہیں۔

2. اسٹیویا: قدرتی میٹھا اسٹیویا شوگر فری ڈائیٹ کے لیے مفید ہے۔ یہ بلڈ پریشر اور انسولین حساسیت کو بہتر بنا سکتا ہے اور کیلوری فری ہونے کے باعث وزن بڑھنے کے امکانات کم ہوتے ہیں۔

3. مونک فروٹ ایکسٹریکٹ: اس میٹھے میں موجود اینٹی آکسیڈنٹس دل کی صحت کو بہتر بناتے ہیں اور کھانے کے بعد شوگر میں کمی لاتے ہیں۔

4. زائیلیٹول: قدرتی شکر الکوحلز میں شامل زائیلیٹول ذیابطیس کے مریضوں کے لیے مفید ہے کیونکہ یہ خون میں انسولین کی سطح نہیں بڑھاتا اور آنتوں کی صحت بہتر بناتا ہے۔

5. سوکرالوز: صفر کیلوری رکھنے والا مصنوعی میٹھا ہے جو وزن اور شوگر کنٹرول میں مدد دیتا ہے۔

6. مولاسز: مولاسز سوزش کم کرنے اور جگر کی صحت بہتر بنانے میں مددگار ثابت ہوتا ہے۔

7. ایلولوز: یہ قدرتی نایاب شوگر بلڈ شوگر نہیں بڑھاتی اور وزن میں کمی کا باعث بنتی ہے۔

8. یاکون سیرپ: یاکون سیرپ پری بائیوٹکس سے بھرپور ہوتا ہے جو آنتوں کی صحت بہتر بناتا ہے اور وزن کم کرنے میں مدد دیتا ہے۔