کراچی: (رائیٹ ناوٴ نیوز) ریاضی کے سوالات میں ‘X’ کے استعمال کی دلچسپ تاریخی وجہ صدیوں پرانی ہے۔ یہ کہانی نویں صدی میں مشہور مسلمان ریاضی دان محمد بن موسیٰ الخوارزمی کی کتاب سے شروع ہوتی ہے، جہاں انہوں نے ‘شے’ (چیز) کو نامعلوم مقدار کے طور پر استعمال کیا۔

جب یہ کتابیں اسپین پہنچیں تو مترجمین نے ‘شے’ کو ‘xay’ لکھنا شروع کیا۔ بعد میں، فرانسیسی ریاضی دان رینی ڈیکارٹ نے ‘X’ کو نامعلوم مقدار کے لیے استعمال کیا۔

آج ‘X’ نہ صرف ریاضی کی علامت ہے بلکہ علم کے اُس سفر کی یاد ہے جو عرب دنیا سے یورپ تک پہنچا۔ یہ ثابت کرتا ہے کہ علم کسی ایک قوم کی ملکیت نہیں بلکہ پوری انسانیت کا خزانہ ہے۔