اسلام آباد: (رائیٹ ناوٴ نیوز) سینیٹر فیصل واوڈا نے انکشاف کیا کہ ان کے پاس چار ووٹ محفوظ ہیں جو وہ 28 ویں ترمیم کے لیے استعمال کریں گے۔

فیصل واوڈا نے ایک ٹی وی پروگرام میں بات کرتے ہوئے کہا کہ 27 ویں ترمیم اتفاق رائے سے منظور ہوئی اور اپوزیشن نے واک آؤٹ کرکے اپنی رضا مندی ظاہر کی۔ انہوں نے کہا کہ تحریک انصاف کو چیئرمین سینیٹ نے بارہا بلایا لیکن وہ سوشل میڈیا پر کچھ اور اندرونی طور پر کچھ اور کرتے ہیں۔

واوڈا نے مزید کہا کہ جمہوریت نے عوام کو بنیادی سہولیات نہیں فراہم کیں اور اپوزیشن اس حکومت کی ضمانتی ہے۔ انہوں نے کہا کہ ترامیم رک نہیں سکتیں اور تحریک انصاف کے اراکین کی تعداد کم پڑ جائے گی۔

فیصل واوڈا نے کہا کہ سہیل آفریدی نے سب کو بلایا جو کہ ایک اچھا اقدام ہے اور ان کی بات درست ثابت ہوئی کہ 26 نومبر کو کوئی چڑھائی نہیں ہوگی۔