ریاض: (رائیٹ ناوٴ نیوز) سعودی عرب نے خواتین نرسوں کے لیے نئے مواقع فراہم کیے ہیں، جن میں پاکستانی نرسیں بھی شامل ہو سکتی ہیں۔ یہ عہدہ اسپیشل نرس کے طور پر ہے، جس کی ماہانہ تنخواہ 4500 سعودی ریال ہے، جو پاکستانی روپوں میں تقریباً 3 لاکھ 37 ہزار بنتی ہے۔ ہفتے میں سات دن، روزانہ بارہ گھنٹے کی ڈیوٹی شامل ہے۔ نرسوں کو رہائش اور سفری سہولتیں بھی فراہم کی جائیں گی، جس میں مشترکہ رہائش، ایئر کنڈیشنگ، اور مفت ٹرانسپورٹ شامل ہیں۔

یہ پروگرام خاص طور پر بیچلر آف سائنس نرسنگ کی ڈگری یافتہ اور چالیس سال سے کم عمر خواتین کے لیے ہے۔ پرومٹرک لائسنسنگ امتحان میں کامیاب امیدواروں کو ترجیح دی جائے گی اور انہیں براہِ راست انٹرویوز کے لیے بلایا جا سکتا ہے۔ یہ ملازمت کے مواقع  پاکستانی نرسوں کے لیے عالمی معیار کے صحت کے شعبے  میں خدمات کا راستہ کھولنے میں مددگار ثابت ہو ں گے اور سعودی عرب کی حکومت کی جانب سے  خواتین کی صلاحیتوں کو عالمی سطح پر پہچان دینے کی پالیسی کا حصہ ہے۔