لاہور: (رائیٹ ناوٴ نیوز) پاکستان کے وکٹ کیپر بیٹر اعظم خان نے اپنے وزن میں 15 کلوگرام کی کمی کرکے سب کو حیران کر دیا ہے۔ اعظم خان نے سوشل میڈیا پر اپنی تازہ تبدیلی کی تصویر شیئر کی جس میں انہوں نے بتایا کہ وہ اپنی صحت اور کارکردگی میں بہتری کے لیے کوشاں ہیں۔

اعظم خان پر فٹنس کے حوالے سے اکثر تنقید ہوتی رہی ہے، تاہم انہوں نے انسٹاگرام اسٹوری میں لکھا کہ انہوں نے دو مہینوں میں 15,000 گرام وزن کم کیا ہے اور وہ مزید بہتری کی امید رکھتے ہیں۔

اعظم خان نے 2021 میں پاکستان کی جانب سے ٹی20 انٹرنیشنل کیریئر کا آغاز کیا تھا، لیکن ان کے مواقع محدود رہے ہیں۔ وہ ڈومیسٹک اور فرنچائز لیگز میں پاور ہٹنگ مڈل آرڈر کے کھلاڑی کے طور پر جانے جاتے ہیں۔

ان کی حالیہ فٹنس اپڈیٹ ان کے کھیل کے لیے حوصلہ افزا قدم ہے تاکہ وہ قومی ٹیم میں دوبارہ شمولیت کے امکانات بڑھا سکیں۔ ان کی توجہ اب وزن کم کرنے اور میچ کے مطابق ٹریننگ پر ہے۔